អាការៈភ្នែកចាញ់ពន្លឺ ភ្នែកចាញ់ពន្លឺធ្វើឱ្យយើងបើកភ្នែកព្រឹមៗ ឬបិទភ្នែកនៅពេលចាំងនឹងពន្លឺ ឬមើលចំពន្លឺដូចជា ពន្លឺថ្ងៃ ភ្លើង ភ្លើងហ្វារថយន្ត ឬម៉ូតូជាដើម ហើយអាចធ្វើឱ្យយើងឈឺភ្នែក ស្រវាំងភ្នែក ហៀរទឹកភ្នែក និងឈឺក្បាលទៀតផង។ យើងគួរធ្វើបែបម៉េចដើម្បីកាត់បន្ថយអាការៈភ្នែកចាញ់ពន្លឺ? យើងអាចសាកល្បងវិធីសាស្រ្តដូចខាងក្រោមដើម្បីកុំឱ្យភ្នែកយើងចាញ់ពន្លឺពេក៖ ១. ពាក់វ៉ែនតាការពារពន្លឺ វេជ្ជបណ្ឌិត Bradley Katz ឯកទេសសរសៃប្រសាទ និងជាសាស្ត្រាចារ្យនៅសាកលវិទ្យាល័យ Utah បានលើកឡើងថា មិនមែនពន្លឺទេដែលធ្វើឱ្យភ្នែករបស់យើងចាញ់ពន្លឺ ប៉ុន្តែជាពណ៌ដែលមាននៅក្នុងពន្លឺ បង្កឲ្យមានបញ្ហានេះ។ តាមការស្រាវជ្រាវបានឱ្យដឹងថា រលកពន្លឺពណ៌ខៀវនៅក្នុងពន្លឺអាចធ្វើឱ្យភ្នែករបស់យើងឈឺចាប់។ ការពាក់វ៉ែនតាការពារពន្លឺអាចរារាំងរលកពន្លឺពណ៌ខៀវពីពន្លឺព្រះអាទិត្យ កុំព្យូទ័រ ឬទូរទស្សន៍ជាដើម មិនឱ្យចាំងចូលភ្នែករបស់យើង។ ២. បន្ថយពន្លឺគ្រឿងអេឡិចត្រូនិច យើងគួរបន្ថយពន្លឺគ្រឿងអេឡិចត្រូនិចដូចជា កុំព្យូទ័រ ទូរទស្សន៍ ឬទូរស័ព្ទដើម្បីកុំឱ្យពន្លឺចាំងភ្នែកពេក។ ៣. ចៀសវាងប្រើអំពូលទូបណេអុងពណ៌ស យើងគួរប្តូរអំពូលទូបណេអុងពណ៌សដោយប្រើអំពូលពងមាន់ ឬអំពូល LED ពណ៌ស្រទន់ (ពណ៌ថ្ងៃ) វិញ ព្រោះអំពូលភ្លើងទាំងពីរមិនមានពន្លឺភ្លឺខ្លាំងពេកដែលមិនធ្វើឱ្យយើងចាំងភ្នែក។ ៤. ពាក់មួក និងពាក់វ៉ែនតាការពារពន្លឺថ្ងៃ ពេលចេញក្រៅត្រូវពន្លឺថ្ងៃ យើងគួរពាក់មួក និងពាក់វ៉ែនតាការពារពន្លឺថ្ងៃដើម្បីការពារភ្នែកយើងពីការត្រូវពន្លឺព្រះអាទិត្យ។ ៥. កុំពាក់វ៉ែនតាការពារពន្លឺថ្ងៃនៅក្នុងម្លប់ ការពាក់វ៉ែនតាការពារពន្លឺថ្ងៃនៅក្នុងម្លប់រយៈពេលយូរអាចធ្វើឱ្យភ្នែករបស់យើងសុំានឹងភាពងងឹតដែលនឹងបណ្តាលឱ្យអាការៈភ្នែកចាញ់ពន្លឺរបស់យើងកាន់តែធ្ងន់ធ្ងរ។ ៦. ញុំាបន្លែស្លឹកបៃតងចាស់ តាមការសិក្សាបានឱ្យដឹងថា […]

ការឈឺក្រពះពោះវៀន ជំងឺមួយក្នុងចំណោមជំងឺទូទៅបំផុតគឺជំងឺក្រពះ។ ជារឿយៗបង្កើតការរំខាននៅក្នុងជីវិត ប៉ុន្តែមនុស្សជាច្រើនមានទំនោរមិនអើពើនឹងរោគសញ្ញានៃជំងឺក្រពះ។ ដោយសារតែការឈឺចាប់មកម្តងៗ បាត់ទៅហើយ ពួកគេមិនទៅជួបគ្រូពេទ្យដើម្បីព្យាបាលទេ រហូតដល់វាវិវត្តទៅជាជំងឺរ៉ាំរ៉ៃ និងបង្កើនហានិភ័យរយៈពេលវែង។ តើជំងឺក្រពះជាអ្វី? ជំងឺក្រពះ (Dyspepsia) គឺជាជំងឺដែលបង្កឡើងដោយរបួសក្រពះ ឬ duodenum ។ រួមទាំងការរលាកនៃស្រទាប់ក្រពះ។ អ្នកគួរតែទៅជួបគ្រូពេទ្យភ្លាមៗ ដើម្បីព្យាបាល។ ព្រោះ​ការ​ទុក​វា​ដោយ​មិន​បាន​ព្យាបាល​អាច​នាំ​ឱ្យ​មាន​ផលវិបាក​ផ្សេង​ៗ និង​សូម្បី​តែ​មហារីក​ក្រពះ​ធ្ងន់ធ្ងរ ។ តើអ្វីជាមូលហេតុនៃជំងឺរលាកក្រពះ? ការឆ្លងមេរោគបាក់តេរី Helicobacter pylori (Helicobacter Pylori) ឬ H. Pylori (H. Pylori) ញ៉ាំអាហារពេលមិនទៀងទាត់ ញ៉ាំអាហារហឹរ ហឹរ និងជូរ។ ការតមអាហារញឹកញាប់ តានតឹង, ថប់បារម្ភ ផឹកកាហ្វេ ផឹកស្រា ជក់បារី លេបថ្នាំបំបាត់ការឈឺចាប់ ឱសថរុក្ខជាតិ អាហារបំប៉នដែលមានឥទ្ធិពលរលាកក្រពះ។ តើ​ជំងឺ​ក្រពះ​មាន​រោគ​សញ្ញា​អ្វី​ខ្លះ? ការឈឺចាប់នៅតំបន់ epigastric ឬផ្នែកខាងលើពោះខាងលើផ្ចិត  ឈឺ​ពោះ​ដែល​មក​ជា​ច្រើន​ខែ​ទៅ​ច្រើន​ឆ្នាំ។ ឈឺពោះ ឈឺចុកចាប់ពេញខ្លួន  ឈឺពោះពេលឃ្លាន ឬពេលពោះទទេ ឈឺចាប់មុនឬក្រោយអាហារ ឬឈឺចាប់ពេលគេង ហើមពោះ ហើមពោះ ឧស្ម័នក្នុងក្រពះ កំដៅក្នុងក្រពះ […]

ការឈឺក្រពះជាជំងឺដែលមនុស្សជាច្រើនតែងតែមើលស្រាលលើវា។អ្នកឈឺក្រពះជាច្រើនបានចាត់ទុកវាជាជំងឺដែលស្រាលហើយគេគិតថាវាអាចនឹងជាដោយខ្លួនឯង។ តែប្រសិនបើអ្នកមិនបានព្យាបាលត្រឹមត្រូវនិងធ្វើការផ្លាស់ប្តូររបៀបរស់នៅដើម្បីឲ្យមានសុខភាពល្អនោះទេ ជំងឺនេះនឹងពិបាកព្យាបាលហើយយូរជាងនេះវានឹងកាន់តែធ្ងន់ធ្ងទៅៗ។ ការឈឺក្រពះសំដៅលើស្ថានភាពរបួសឬរលាកនៅក្នុងក្រពះ។ការឈឺក្រពះជាធម្មតាត្រូវបានសម្គាល់ដោយរោគសញ្ញាផ្សេងៗដូចជាការឈឺចាប់ចុងដង្ហើមឬក្រហាយចំកណ្តាលពោះ។ ចំពោះជំងឺនេះយើងគួរតែយល់ដឹងពីមូលហេតុដែលបង្ករឲ្យកើតមានឡើងនិងរបៀបព្យាបាលរបស់វា។ ដោយមានការយល់ដឹងពីជំងឺក្រពះនេះយើងអាចកំណត់សម្គាល់រាល់រោគសញ្ញាដែលកើតមានឡើង និង​ ការពារកុំឱ្យវាកាន់តែធ្ងន់ធ្ងរ។ តើការឈឺក្រពះជាអ្វី? ការឈឺក្រពះគឺជាការឈឺចុកឆ្អល់ ក្រហាយក្នុងក្រពះដោយសារតែបញ្ហាក្រពះ។ យោងតាម ​​Healthline ការឈឺក្រពះកើតឡើងនៅពេលដែលភ្នាសរំអិលដែលការពារក្រពះពីទឹករំលាយអាហារត្រូវបានកាត់បន្ថយ។ នេះបណ្តាលឱ្យជាតិអាស៊ីតក្រពះប៉ះពាល់ទៅដល់ជាលិកាដែលការពារក្រពះ។ ការឈឺក្រពះងាយស្រួលព្យាបាលប៉ុន្តែបើការព្យាបាលមិនត្រឹមត្រូវអាចធ្វើឱ្យអ្នកជំងឺមានអាការៈធ្ងន់ធ្ងរ។ មូលហេតុនៃការឈឺក្រពះ ការឈឺក្រពះជាធម្មតាកើតមានឡើងនៅពេលដែលក្រពះផលិតជាតិអាស៊ីតក្រពះកើនឡើងហួសកម្រិត។ ស្ថានភាពនេះច្រើនតែកើតឡើងដោយសាររឿងដូចខាងក្រោម ១. កត្តារស់នៅដោយមិនមានផាសុខភាពល្អ៖ ការជក់បារី ការទទួលទានជាតិកាហ្វេអ៊ីនជាតិស្រវឹងនិងភេសជ្ជៈគ្រឿងកំប៉ុងច្រើនពេក ការញ៉ាំលឿនពេក​ ច្រើ​នពេក ទទួលទានអាហារហឹរ និង ខ្លាញ់ច្រើន។ ២.​ កត្តាបញ្ហាផ្លូវចិត្តដូចជា៖ ស្ត្រេស ខ្វល់ខ្វាយច្រើន ៣. កត្តានៃការឆ្លងមេរោគ Helicobacter pylori (H. pylori)។ ៤. បញ្ហាពោះវៀនឬបញ្ហាសុខភាពមួយចំនួនដូចជា៖ ជំងឺច្រាលទឹកអាស៊ីត (GERD) ការរលាកក្រពះ (Gastritis) ការរលាកលំពែង  (Pankreatitis) គ្រួសក្នុងថង់ទឹកប្រមាត់ មហារីកក្រពះ។ល។ ៥. កត្តាប្រើប្រាស់ថ្នាំដែលអាចផលប៉ះពាល់មានដូចជា៖ ថ្នាំអង់ទីប៊ីយោទិច ថ្នាំប្រឆាំងនឹងការរលាកដែលមិនមែនជាស្តេរ៉ូអ៊ីដ (NSAIDs) ដូចជា diclofenac […]

ទទួលទានចំណីអាហារខ្វះអនាម័យ ច្បាស់ជាកើតមានបញ្ហារាករូសដោយជៀសមិនផុត ហើយបើសិនជាមានបញ្ហារាករូសនោះ វានឹងពិបាកដោយរំខានដល់សកម្មភាពការងារ ឬការរៀនសូត្រជាដើម។ ប្រសិនអ្នកមិនបានប្រយ័ត្ន បណ្ដាលឲ្យមានជំងឺរាករូសហើយនោះ សូមកុំបារម្ភ ថ្ងៃនេះ Sabay នឹងបង្ហាញពីប្រភេទថ្នាំ និងវិធីមួយចំនួនដែលជួយព្យាបាលជំងឺនេះបាន។ តើអ្នកដឹងទេថា Probiotics គឺជាអ្វី ហើយវាមានប្រយោជន៍យ៉ាងណាខ្លះ? Probiotics គឺជាពពួកបាក់តេរីដែលរស់រានមានជីវិត និងជាលិកាដែលល្អសម្រាប់សុខភាពជាពិសេសប្រព័ន្ធរំលាយអាហាររបស់អ្នក។ ជាទូទៅបាក់តេរី គឺជាមេរោគដែលបណ្ដាលឱ្យមានជំងឺ ប៉ុន្តែរាងកាយរបស់អ្នកមានទាំងបាក់តេរីល្អ និងអាក្រក់។ Probiotics ត្រូវបានគេហៅថាបាក់តេរី “ល្អ” ឬ “មានប្រយោជន៍” ពីព្រោះវាជួយរក្សាឲ្យពោះវៀនមានសុខភាពល្អ។ Probiotics ត្រូវបានគេរកឃើញនៅក្នុងរាងកាយរបស់អ្នក ហើយពួកវាក៏មាននៅក្នុងអាហារ និងថ្នាំគ្រាប់ផងដែរ។ ក្រុមអ្នកស្រាវជ្រាវនៅតែព្យាយាមរកវិធីណាដែលល្អបំផុតសម្រាប់ដោះស្រាយបញ្ហាសុខភាពមួយចំនួន ជាពិសេសការរាករូសនេះតែម្តង។ លក្ខខណ្ឌទូទៅមួយចំនួនដែល Probiotics បានជួយដល់យើងគឺ៖ រោគសញ្ញាពោះវៀន ជំងឺរលាកពោះវៀនធំ (IBD) ជំងឺរាករូសដែលបណ្ដាលមកពីវីរុស បាក់តេរី ឬប៉ារ៉ាស៊ីត រាករូសដែលទាក់ទងទៅនឹងការប្រើថ្នាំផ្សះ (Antibiotics) Probiotics ផ្ដល់ទាំងការពារ និងព្យាបាល ជាពិសេស Probiotic មួយប្រភេទដែលមានប្រសិទ្ធភាពល្អបំផុតគឺ Saccharomyces boulardii CNCM […]

Fiber គឺជាប្រភេទកាបូអ៊ីដ្រាតដែលខ្លួនមនុស្សមិនអាចរំលាយបាន។ បើទោះជាកាបូអ៊ីដ្រាតភាគច្រើនត្រូវបានបំបែកទៅជាម៉ូលេគុលស្ករក៏ដោយ ក៏ Fiber មិនត្រូវបានបំបែកដែរ ហើយវាបែរជាឆ្លងកាត់បំពង់រំលាយអាហាររបស់ខ្លួនមនុស្សដោយមិនមានការរំលាយអ្វីទាំងអស់។ Fiber ជួយសម្រួលដល់ការប្រើប្រាស់ស្ករក្នុងខ្លួន ដោយមិនឲ្យឃ្លាន និងរក្សាកំហាប់ស្ករក្នុងឈាម។ កុមារ  និងមនុស្សពេញវ័យ ត្រូវការ Fiber យ៉ាងតិច២០ ទៅ៣០ក្រាមក្នុងមួយថ្ងៃ។ អាហារដែលសម្បូរទៅដោយ Fiber ច្រើនជាងគេ គឺផ្លែឈើ បន្លែ គ្រាប់ធញ្ញជាតិ និងសណ្តែក។ ទម្រង់២ផ្សេងគ្នារបស់Fiber •    Fiber ដែលរលាយក្នុងទឹក អាចជួយបន្ថយកម្រិតគ្លុយកូស និងកូឡេស្តេរ៉ុលក្នុងឈាម។ អាហារដែលមាន Fiber រលាយក្នុងទឹករួមមាន ម្សៅធញ្ញជាតិអូត គ្រាប់ផ្លែឈើ សណ្តែក ផ្លែប៉ោមនិងប្លូប៊ឺរី។ •    Fiber  មិនរលាយក្នុងទឹក អាចជួយឲ្យអាហារឆ្លងកាត់ប្រព័ន្ធរំលាយអាហារ ដោយជំរុញឲ្យមានការបត់ជើងទៀងទាត់ និងការពារការទល់លាមក។ អាហារដែលមាន Fiber មិនរលាយក្នុងទឹក រួមមានស្រូវសាលី នំប៉័ងធ្វើពីស្រូវសាលី ស្រូវសម្រូប គ្រាប់សណ្តែក ការ៉ុត ត្រសក់ និងប៉េងប៉ោះ។ […]

ភ្នែកមីញ៉ូបបែងចែកជា ២ គឺមីញ៉ូបជិត និងមីញ៉ូបឆ្ងាយដែលសុទ្ធតែធ្វើឱ្យយើងមើលមិនច្បាស់ដូចគ្នា។ យើងអាចមីញ៉ូបជិត និងមីញ៉ូបឆ្ងាយនៅគ្រប់វ័យដោយ​សារការប្រែប្រួលទម្រង់គ្រាប់ភ្នែក។ តើមីញ៉ូបជិត​និងមីញ៉ូប​ឆ្ងាយ​មានភាពខុសគ្នាដូចម្តេចខ្លះ?   អ្វីទៅគឺមីញ៉ូបឆ្ងាយ?   មីញ៉ូបឆ្ងាយ គឺជាលក្ខខណ្ឌមួយ​ដែល​យើង​អាចមើលឆ្ងាយមិនច្បាស់ ប៉ុន្តែមើលជិតច្បាស់។ បញ្ហា​នេះអាច​បណ្តាល​មក​ពីកត្តាតំណពូជ ពន្លឺព្រះអាទិត្យ ការអានច្រើន ការ​មើលកុំព្យូទ័រ ឬទូរស័ព្ទយូរ​ដែល​បណ្តាល​ឱ្យ​គ្រាប់ភ្នែកកោង ឬវែងជាងធម្មតា ហើយធ្វើឱ្យកាំរស្មីពន្លឺមិនអាចប្រសព្វគ្នាលើស្រទាប់រ៉េទីន​ភ្នែកដោយផ្ទាល់បាន។ មីញ៉ូបឆ្ងាយអាចវិវត្តទៅជាជំងឺទឹកដក់បាតភ្នែក ឬភ្នែកឡើង​បាយ។ អ្វីទៅគឺមីញ៉ូបជិត?    ផ្ទុយមកវិញ មីញ៉ូបជិតគឺជាលក្ខខណ្ឌមួយ​ដែល​យើង​អាច​មើលជិតមិនច្បាស់ ប៉ុន្តែមើលឆ្ងាយច្បាស់។ បញ្ហានេះ​កើត​ឡើងដោយសារកត្តាអាយុ មានកែវភ្នែកខ្លីពីកំណើត សាច់ដុំ ciliary របស់ភ្នែកចុះខ្សោយ ឬជំងឺ​ទឹក​នោមផ្អែមដែលធ្វើឱ្យគ្រាប់ភ្នែកខ្លីជាងធម្មតា ហើយធ្វើ​ឱ្យកាំ​រស្មីពន្លឺមិនអាច​ប្រសព្វគ្នា​លើ​ស្រទាប់រ៉េទីនភ្នែក ដោយផ្ទាល់បាន។ មីញ៉ូបជិតអាចវិវដ្ដទៅជា ខ្សោយភ្នែកម្ខាង ភ្នែក​ស្រលៀង ឬមើល​ឃើញ​បែងភាគ។ ថ្វីត្បិតតែមីញ៉ូបជិត និងមីញ៉ូបឆ្ងាយមានលក្ខណៈខុសៗគ្នា   ពួកវាមានអាការៈរួមគ្នាមួយចំនួន៖ មើលមិនច្បាស់ ឈឺក្បាល និងចុករួយគ្រាប់ភ្នែក ពេលប្រើប្រាស់ភ្នែកច្រើនដូចជា មើល​សៀវភៅ កុំព្យូទ័រ ធ្វើភ្នែកព្រឹមៗ ពេលខំសម្លឹងមើល មិនស្រួលក្នុងភ្នែកដូចជា ក្តៅភ្នែក ឬផ្សាភ្នែក