នៅពេលយើង កាន់តែមានវ័យចំណាស់ លែនកែវភ្នែកពីធម្មជាតិដែលធ្លាប់តែមើលឃើញច្បាស់នៅក្នុងភ្នែករបស់យើងប្រែជាស្រអាប់។ ស្ថានភាពនេះគេស្គាល់ថាជាជំងឺភ្នែកឡើងបាយ ហើយជាទូទៅជំងឺនេះកើតឡើងចំពោះមនុស្សចាស់។ ភាពស្រអាប់នៃលែនភ្នែករារាំងពន្លឺមិនឱ្យចូលទៅក្នុងភ្នែកបានគ្រប់គ្រាន់ និងបង្កឱ្យមានគំហើញមិនច្បាស់។

រោគសញ្ញានៃភ្នែកឡើងបាយ

ភ្នែកឡើងបាយកម្រិតស្រាល អាចនឹងមិនប៉ះពាល់ដល់ការមើលឃើញច្បាស់នៃភ្នែកនោះទេ ប៉ុន្តែនៅពេលដែលយើងទុកភ្នែកឡើងបាយយូរមិនបានព្យាបាល នោះវាអាចបង្កឱ្យ៖:

• គំហើញមិនច្បាស់
• ចាញ់ពន្លឺ
• ភ្នែកមួយចំហៀងមើលឃើញរូបភាពស្រមោលពីរ
• ពណ៌ក្លាយទៅជាពណ៌លឿង ឬស្លេកពណ៌
• ពិបាកក្នុងការអាន
• គំហើញពេលយប់មិនសូវច្បាស់
• ចាំងភ្នែក និងមើលឃើញពន្លឺបែកជារង្វង់